ટંકારામા આખલા યુધ્ધે, શહેરને બાનમા લીધુ.

ટંકારા શહેરના હાર્ટ સમો વિસ્તાર ગણાતા દયાનંદ ચોકમાં નગરપાલિકા કચેરી સામે લોકો ની સતત ચહલપહલ વાળા ધબકતા વિસ્તારમા ઓચિંતા બે આખલા વચ્ચે દ્વંદ યુધ્ધ થતા ઘડીભર પગરવ થંભી ગયા હતા. અને નાસભાગ મચી ગઈ હતી. ખુંટીયા વચ્ચે ધમાસણ યુધ્ધ એટલી હદે વકર્યુ હતુ કે, ઉપસ્થિત માથી કેટલાકે આખલા યુધ્ધ અટકાવવા પ્રયાસો નિરર્થક રહ્યા હતા. છેલ્લા ઘણા સમયથી શહેરમાં આખલાઓનુ પ્રમાણ ઘણુ વધી ગયુ છે. ઉપરાંત, શહેર આખામાં મહિલાઓ,વૃધ્ધો, બાળકો સહિત તમામ નગરજનો કામકાજે બહાર નિકળતા ફફડે છે. હેમખેમ ઘરે પહોંચી જાય એટલે ઈશ્વર નો પાળ માને છે. રવિવારે જામેલા આખલા વોર થી દુકાન નજીક પાર્ક કરેલા બે બાઈક નો કચ્ચરઘાણ નીકળી ગયો હતો. વેપારીઓ દુકાન રેઢી મુકી જીવ બચાવવા ભાગદોડ કરી હતી. ઘણા લાંબા સમયથી ખુંટીયાઓએ નગરને બાન મા લીધુ હોવા છતા લોકસેવાની ફિશીયારી ઠોકતા લોકલ કાર્યકરો ઉપરાંત શાસકો અને સતાધીશોના આંખ મિચામણા સામે જન આક્રોશ સીમા વળોટી ગયો છે.કોઈનો જીવનદીપ બુઝાઈ એ પૂર્વે  પાલિકા દ્વારા આખલાઓને પાંજરે પુરવા દાખલારૂપ કાર્યવાહી થાય એવી જન માંગણી પ્રબળ ઉઠી છે.