Advertisement
Advertisement
ટંકારા ટેલીફોન એક્સચેન્જ પાસે પડતર જીનમા ઈંગ્લીશ દારૂની 24 બોટલો સાથે એક ઈસમને ટંકારા પોલીસે ઝડપી પાડયો છે. જ્યારે અન્ય એક શખ્સનું નામ ખુલતા પોલીસે તેને ઝડપી પાડવા તપાસ હાથ ધરી છે. ટંકારા ટેલીફોન એક્સચેન્જ પાસે પડતર જીનમા આરોપી અરશદ ઉર્ફે સદામ લીયાકતભાઈ ઉમરીયા રહે. ટંકારા મઠવાળી શેરીવાળાએ ગેરકાયદેસર રીતે પોતાના કબ્જામાં વેચાણ કરવાના ઈરાદાથી રાખેલ ઈંગ્લીશ દારૂની બોટલ નંગ-24 કિંમત રૂપિયા 7680ના મુદ્દામાલ સાથે આરોપી અરશદ ઉર્ફે સદામ લીયાકતભાઈ ઉમરીયાને ટંકારા પોલીસે ઝડપી પાડયો હતો. જ્યારે પુછતાછ દરમિયાન આરોપી સીરાજ ઉર્ફે ભાણો ઉમરભાઈ જંગરી રહે. મોરબી મૂળ રહે હળવદવાળાનું નામ ખુલતા પોલીસે તેને ઝડપી પાડવા માટે શોધખોળ હાથ ધરી છે. તેમજ બંને આરોપીઓ વિરુદ્ધ પ્રોહીબીશન એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.