મોરબીમાં દારુના નશામાં ફીનાઇલને દારૂ સમજીને પી જતા એક વ્યક્તિનું મોત

December 10, 2023

મોરબી શહેરમાં દારુના નશામાં ચૂર થઈને એક વ્યક્તિએ ફીનાઇલની બોટલને દારૂની બોટલ સમજી ગટગટાવી લીધું હતું. જેને પગલે તેનું મોત નીપજ્યું હતું. ૮ ડિસેમ્બરના રાતના સાડા દશેક વાગ્યાના અમી વર્ષા એપાર્ટમેન્ટ મ.નં-૧૦૨ સબ જેલ રોડ ખાતે રહેતા ૪૨ વર્ષીય કરીમભાઈ નુરઅલીભાઈ જીવાણીએ પોતાના ઘરે પોતે દારુના નશામાં ચૂર થઈને ફીનાઇલની બોટલને દારૂની બાટલી સમજી લઈ ફિનાઈલની બાટલી પી ગયા હતા. જેને પગલે કરીમભાઇને મોરબીની ખાનગી હોસ્પિટલમાં દાખલ કરવામાં આવ્યા હતા પરંતુ ફરજ પરના તબીબે તેમને મૃત જાહેર કર્યા હતા સમગ્ર મામલે મોરબી સીટી એ ડિવિઝન પોલીસની ટીમને ધોરણસરની કાર્યવાહી હાથ ધરી હતી.