ટંકારા: હનીટ્રેપ કેસમા કબજે લેવાયેલા રૂપિયા પાંચ લાખ પોલીસ દ્વારા તેરા તુજકો અર્પણ અંતગર્ત ફરીયાદી ને પરત કરાયા.

ટંકારા તાલુકાના હરીપર નો યુવાને સ્ત્રી પાત્ર ની મોહજાળમા  પાંચ લાખ રૂપિયા મા મુંડાયો હતો.

ટંકારા તાલુકાના હરીપર ગામના ઉધોગ ધંધા સાથે સંકળાયેલા યુવાનને મિસ્ડકોલ મારફતે ફસાવી પ્રપોઝ કર્યા બાદ અપહરણ- દુષ્કર્મ મા ફસાવી દેવાની દાટી મારી રૂપિયા પાંચ લાખ પડાવી લેવાના ચકચારી હનીટ્રેપ કેસ મા ટંકારા પોલીસે રીકવર કરેલ રૂપિયા પાંચ લાખ ની રોકડ રકમ તેરા તુજકો અર્પણ અંતગર્ત ભોગ બનેલા યુવાનને પોલીસે તેડાવી પરત કર્યા હતા.

ગત તા. ૧૯ જાન્યુઆરીએ ટંકારા પોલીસ મથકે તાલુકાના હરીપર ગામના ઉધોગ ધંધા સાથે સંકળાયેલા અજીત મુળજી ભાગીયા નામના યુવાને ફરીયાદ નોંધાવી હતી કે, તેના મોબાઈલમા મિસ્ડકોલ આવ્યા બાદ કોલ કરનાર નો સંપર્ક કરતા સામે છેડેથી મિસ્ડકોલ કરનાર સ્ત્રી પાત્રે પ્રપોઝ કરતા પોતે સંપર્કમા આવ્યો હતો. અને મામલો ઈલુઈલુ સુધી પહોંચ્યા બાદ ગત તા. ૧૭ જાન્યુઆરીએ પરીણીત સ્ત્રીએ પોતાને મળવા બોલાવ્યો હતો. અને ફસાયો હતો. અહીંયા થી પાંચ શખ્સોએ સ્વીફટ કારમા અપહરણ કરી દુષ્કર્મ કેસમા ફીટ કરી દેવાની દાટી મારી રૂપિયા પાંચ લાખ ખંખેરી લીધા હોવાની એફઆઈઆર નોંધાવી હતી.‌ પોલીસે હની ટ્રેપ કેસ મુદ્દે તાબડતોબ હરકત મા આવી સંડોવાયેલા સ્ત્રી સહિતના પાંચ ઈસમોને બીએનએસ એક્ટ ૧૧૫(૧), ૩૫૧(૨),૩૦૮(૭),૧૪૦(૩),૬૧ હેઠળ હિરાસતમા લઈ ફરીયાદ મુજબ ની રોકડ રકમ આઘાપાછી થાય એ પૂર્વે કબજે લઈ લીધી હતી. જે કબજે લીધેલા રોકડા રૂપિયા પાંચ લાખ ની રકમ ટંકારા પોલીસે કોર્ટ ના હુકમ થી વાંકાનેર વિભાગના નાયબ પોલીસ અધિક્ષક એસ.એચ.સારડાના હસ્તે ટંકારા પોલીસ ઈન્સપેકટર કૃણાલ છાસીયા ની ઉપસ્થિતિ મા તેરા તુજકો અર્પણ અંતગર્ત ભોગ બનેલા યુવાનને પરત કર્યા હતા.