ટંકારા:જોધપર ગામે રહેણાંક મકાનમા પોલીસે છાપો મારી ઈંગ્લીશ દારૂ ની ૮૨ બોટલ ઝડપી પાડી.

ટંકારા તાલુકાના જોધપર ગામના જયપાલસિંહ ખુમાનસિંહ ઝાલા ના રહેણાંક મકાનમા ઈંગ્લીશ દારૂ નો જથ્થો ઉતયોઁ હોવાની બાતમી ટંકારા ના પોલીસ ઈન્સ્પેક્ટર કે.જી.મોડ ને મળતા પોલીસે જોધપર ગામે છાપો માર્યો હતો. પોલીસે સ્થળ ઉપરથી વિદેશી દારૂ ની જુદી જુદી બ્રાન્ડ ની ૮૨ બોટલ કિંમત રૂપિયા ૨૭,૮૮૦/-  નો મુદ્દામાલ કબ્જે લીધો હતો. જોકે, દરોડા દરમિયાન દારૂનો જથ્થો ઉતારનાર જયપાલસિંહ હાજર મળી આવ્યો ન હતો. પોલીસે ગુનો દાખલ કરીને આરોપી નુ પગેરૂ દબાવ્યુ હતુ.