ખોટી ફેસબુક આઈ.ડી. બનાવી સસ્તો મોબાઈલ ફોન વેચવાની પોસ્ટ મુકી લોકોને વિશ્વાસમાં લઈ ઓનલાઈન પૈસા ટ્રાન્સફર કરાવી લોકો સાથે વિશ્વાસઘાત અને છેતરપીંડી કરનાર ઈસમને હળવદ પોલીસે ઝડપી પાડયો છે.આરોપી જયદિપ વિઠલભાઇ ઝાલાએ પોતાના મોબાઇલ ફોન નંબર ઉપર ફેસબુક એપ્લીકેશનમાં “Jayubha Zala” નામની ખોટી આઇ.ડી. બનાવી આ આઇ.ડી ઉપર મોબાઇલ ફોન વેચવાની પોસ્ટ મુકી પોતાની ફેસબુક આઇ.ડી. ખોટી હોવાનુ જાણવા છતા ફરીયાદી મયુરભાઇ ગીરધરભાઇ ઉડેશા ઉ.વ-૨૪ રહે-મગળપુર તા-હળવદ જી-મોરબીને વિશ્વાસમા લઇ સાહેદ વિપુલભાઇ ભીમાણી નામના વ્યક્તિ પાસે ટેક્સીના ભાડાની ડિપોઝિટ ભરવા પેટે તેમનું UPI સ્કેનર મેળવી તેમા ફરીયાદી પાસે આઇફોન-15 ના રૂપીયા ૪૫,૫૦૦/- ઓનલાઇન ટ્રાન્સફર કરાવડાવી આઇફોન-15 ફરીયાદીને નહિ આપી આરોપીએ પોતાની ખોટી ઓળખ આપી ગુન્હાહિત વિશ્વાસઘાત તથા છેતરપીંડી કરી ગુન્હો આચરેલ હતો જે અંગે NCCRP અરજીના પરથી હળવદ પો.સ્ટે. એ-પાર્ટ આઇ.પી.સી. કલમ- ૪૦૬, ૪૨૦ તથા આઇ.ટી.એકટ ૨૦૦૦ ની કલમ ૬૬(ડી) મુજબનો ગુન્હો રજીસ્ટર કરેલ.
બીજી તરફ આરોપી જયેશ ઉર્ફે જયદીપ ઝાલા હાલમાં રાજકોટ મધ્યસ્થ જેલમાં હોવાનું માલુમ પડતા હળવદ પોલીસે આરોપી જયદીપ ઝાલાને મધ્યસ્થ જેલમાંથી ટ્રાન્સફર વોરંટ ને આધારે કબજો મેળવી છેતરપિંડી મામલે તપાસનો ધમધમાટ શરૂ કર્યો છે.