Advertisement
Advertisement
મોરબીમાં શેરબજારમાં ઓનલાઈન રોકાણ કરાવી સારો નફો કમાવવાની લાલચ આપી છેતરપીંડી કરતા સાયબર ક્રાઈમ માં ગુનો નોંધાયો હતો. ત્યારે આ મામલે પોલીસે વધુ બે શખ્સ ની ધરપકડ કરી છે.
આ અંગે મળતી માહિતી મુજબ ગત તા. ૦૪ જાન્યુઆરીના રોજ કિશન કાવર નામના અરજદારને વોટ્સએપ નંબર પર લીંક મોકલી વોટ્સએપ મેસેજમાં શેરબજારમાં રોકાણ કરવા ટીપ્સ મોકલી હતી અને રોકાણ કરી સારો નફો કમાવવાની લાલચ આપી રૂ ૪,૪૭,૧૫૦ ની છેતરપીંડી આચરવામાં આવી હોય જે મામલે સાયબર ક્રાઈમ પોલીસ સ્ટેશન મોરબી ખાતે ગુનો નોંધવામાં આવ્યો હતો જેમાં તપાસ ચલાવતા પોલીસે અગાઉ ત્રણ આરોપીની ધરપકડ કરી હતી.ગુનામાં સંડોવાયેલ અન્ય ઇસમોને ઝડપી લેવા તપાસ ચલાવી હતી જેમાં આરોપી રાકેશ જયંતી ઠાકોર અને ચિરાગ ઉર્ફે દેવ સતીષ કહાર રહે બંને વડોદરા વાળાને ઝડપી લઈને ધોરણસરની કાર્યવાહી હાથ ધરી છે ઉપરાંત વધુ તપાસ હાથ ધરવામાં આવી છે.