મોરબી વાવડી રોડ સુમતીનાથ સોસાયટી જૈન મંદિર પાસે જાહેરમાં કારમાં ઈંગ્લીશ દારૂની હેરાફેરી કરતા ત્રણ ઈસમોને મોરબી સીટી એ ડીવીઝન પોલીસે ઝડપી પાડયા છે. જ્યારે અન્ય બે શખ્સો સ્થળ પર હાજર ન મળી આવતા પોલીસે ઝડપી પાડવા તપાસ હાથ ધરી છે. સુમતીનાથ સોસાયટી જૈન મંદિર પાસે જાહેરમાં આરોપીઓ પોતાના કબ્જા ભોગવટા વાળી ઈકો કાર નં- જીજે-૦૩-એમઆર-૨૧૨૫ વાળીમાં વેચાણ કરવાના ઈરાદાથી રાખેલ ઈંગ્લીશ દારૂની બોટલ નંગ-૬૫ કિંમત રૂપિયા ૨૬૧૨૦નો મુદામાલ રાખી ઇકો કાર કિંમત રૂપિયા ૧,૦૦,૦૦૦ તથા સ્વીફ્ટ કાર રજીસ્ટર નંબર જીજે-૦૩-એમકે-૦૦૮૬ રૂપિયા ૨,૦૦,૦૦૦ વાળીનો દારૂની હેરાફેરી ઉપયોગ કરી આરોપી ધર્મેશભાઈ મનસુખભાઈ મહેતા, જીતભાઈ રોહીતભાઈ અગ્રાવત અને પાર્થભાઈ અશોકભાઈ પરમારને ઈંગ્લીશ દારૂના જથ્થા સાથે મોરબી સીટી એ ડીવીઝન પોલીસે ઝડપી પાડયા છે. જ્યારે અન્ય બે ઈસમો કિશન ઉર્ફે કાનો પાટડીયા તથા લાલાભાઈ સ્થળ પર હાજર ન મળી આવતા પોલીસે ઝડપી પાડવા તપાસ હાથ ધરી છે તેમજ તમામ આરોપીઓ વિરુદ્ધ પ્રોહીબીશન એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.