મોરબી વાવડી રોડ પવિત્ર હોલના પાર્કીંગમા રહેલી કારનો પાછળનો કાચ તોડી કારમાં રહેલા પર્સમાંથી ચાર તોલા સોનાનો સેટ કિંમત રૂપિયા 1,53,990ના મુદ્દામાલ માલની ચોરી કરી ચોર નાશી છુટયો હતો. જેથી આ બનાવ અંગે મોરબી સીટી એ ડીવીઝન પોલીસ સ્ટેશનમાં ફરીયાદ નોંધાવી છે. દેવભૂમિ દ્વારકા જિલ્લાના જામખંભાળિયામા રામનાથ સોસાયટી ગણાત્રા હોલ પાસે રહેતા કીરીટભાઇ મનસુખલાલ નિમાવતે આરોપી અજાણ્યા ચોર ઈસમ વિરુદ્ધ મોરબી સીટી એ ડીવીઝન પોલીસ સ્ટેશનમાં ફરીયાદ નોંધાવી છે કે અજાણ્યા ચોર ઇસમએ ફરીયાદીની કાર નંબર જીજે-37-જે-5924 વાળીનો પાછળનો નાનો સાઈડ કાચ તોડી રૂપિયા 3000ની નુકશાની કરી ફોર વ્હીલ કારની અંદર પર્સમા રહેલ સોનાનો ચાર તોલાનો સેટ કિંમત રૂપિયા 1,53,990ની ચોરી કરી લઇ ગયો હતો. જેથી આ બનાવ અંગે ભોગ બનનાર કિરીટભાઇએ આરોપી અજાણ્યા ચોર ઈસમ વિરુદ્ધ મોરબી સીટી એ ડીવીઝન પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે આરોપી વિરુદ્ધ આઇપીસી કલમ -૪૨૭,૩૭૯ મુજબ ગુનો નોંધી કાયદેસરની કાર્યવાહી હાથ ધરી છે.