મોરબીની માધાપરવાડી કન્યા શાળામાં સ્વચ્છતા સંકુલનું બાંધકામ શરૂ: ધારાસભ્ય દુર્લભજીભાઈ દેથરીયાની રજૂઆત ફળી

January 29, 2024

મોરબીની માધાપરવાડી કન્યા શાળામાં 400 જેટલી બાળાઓ છે, શાળા PM SHREE પ્રોજેકટ માટે પસંદ થયેલી હોય શાળામાં ગર્લ્સ ટોયલેટની ખાસ જરૂર હતી. ત્યારે આ અંગે શાળાના આચાર્ય, સ્કૂલ મેનેજમેન્ટ કમિટીના સભ્યો, ગ્રામજનોએ, વાલીઓએ દુર્લભજીભાઈ દેથરીયા સમક્ષ રૂબરૂ રજુઆત કરી હતી. જેથી મોરબી જિલ્લાના જાગૃત ધારાસભ્ય દ્વારા આ રજૂઆતને ગંભીરતાથી લઈને આ બાબતે તારીખ 13/10/2023નાં રોજ રાજ્ય અને જિલ્લા કક્ષાએ સમગ્ર શિક્ષા અભિયાનના અધિકારીઓને લેખિત તેમજ મૌખિક રજુઆત કરતા આઠ ખાના ધરાવતું સ્વચ્છતા સકુંલ મંજુર થતા શાળા વ્યવસ્થાપન સમિતિ દ્વારા તારીખ 01/11/2023નાં રોજ મંજૂરી મળતા બાંધકામની શરૂઆત કરવામાં આવતા ગ્રામજનોએ, સમિતિના સભ્યોએ, શાળા પરિવારે દુર્લભજીભાઈ દેથરીયાનો આભાર પ્રકટ કરેલ છે.