મોરબી બી ડીવીઝન પોલીસ સ્ટેશન વિસ્તારમાં એન.ડી.પી.એસ. એક્ટ હેઠળ નોંધાયેલા ગુનામાં ઝડપાયેલા આરોપી મનોહરકુમાર રાજુરામ ખીચડના રેગ્યુલર જામીન મંજૂર થયા છે.
મહત્વની વિગતો: મોરબી પોલીસે ૨૬ ગ્રામ ૨૪ મિલીગ્રામ એમ.ડી. પાવડર (મેકોફ્રોન પાવડર) સાથે મૂળ રાજસ્થાનના અને હાલ મોરબી રહેતા મનોહરકુમાર રાજુરામ ખીચડની ધરપકડ કરી હતી.
કોર્ટની કાર્યવાહી: આરોપીના વકીલ દ્વારા મોરબી જિલ્લાના સ્પેશિયલ જજ (એન.ડી.પી.એસ.) તથા સેશન્સ જજ સાહેબશ્રીની કોર્ટમાં રેગ્યુલર જામીન માટે અરજી કરવામાં આવી હતી.
દલીલો અને આદેશ: મોરબીના સિનિયર એડવોકેટ મનિષ પી. ઓઝા (ગોપાલ ઓઝા) દ્વારા સુપ્રીમ કોર્ટ અને ગુજરાત હાઈકોર્ટના ચુકાદાઓ ટાંકીને ધારદાર રજૂઆતો કરવામાં આવી હતી. આ દલીલો ધ્યાને લઈ મોરબીના સ્પેશિયલ જજ અને સેશન્સ જજ શ્રી એમ. આર. નાદપરા સાહેબ દ્વારા આરોપીને રૂ. ૫૦,૦૦૦/- ની શરતે રેગ્યુલર જામીન પર મુક્ત કરવાનો આદેશ કરવામાં આવ્યો છે.
વકીલની ટીમ: આ કેસમાં આરોપીના વકીલ તરીકે મનિષ પી. ઓઝા (ગોપાલભાઈ) તથા કુ. મેનાઝ એ. પરમાર રોકાયેલા હતા.