મોરબી : પોલીસ લાઈન કુમાર તાલુકા શાળા દ્વારા બેગલેસ ડે અંતર્ગત પોલીસ લાઈન પ્રીમિયર ક્રિકેટ લીગનું આયોજન પાટીદાર બોક્સ ક્રિકેટ -વાવડી ખાતે કરવામાં આવ્યુ હતું. જેમાં ધોરણ 6 થી 8ના વિદ્યાર્થીઓની કુલ ચાર ટીમે ભાગ લીધો હતો.
આ ચાર ટીમમાં ટાઈગર ઈલેવન જેમના કોચ દેવાયતભાઈ ગરચર, લાયન ઈલેવન જેમના કોચ રાકેશભાઈ રાઠોડ, પેન્થર ઇલેવન જેમના કોચ વિરેનભાઈ સદાતીયા અને ડોલ્ફિન ઈલેવન જેમના કોચ પ્રજ્ઞેશભાઈ આદ્રોજા હતા.પાટીદાર બોક્સ ક્રિકેટમાં પ્રથમ રાઉન્ડમાં કુલ 6 મેચ રમાડવામાં આવ્યા હતા. જેમાંથી બે ટીમ ટાઈગર ઇલેવન અને લાયન ઇલેવન ફાઈનલમાં પહોંચી હતી.ફાઈનલ મેચ ટાઈગર ઇલેવન 10 રનથી જીતી હતી. ત્યારબાદ મેન ઓફ ધ મેચ અરમાનને વિરેનભાઈ દ્વારા, મેન ઓફ ધ સિરીઝ રેહાનને દેવાયતભાઈ દ્વારા, રનર્સ અપ ટીમને પ્રજ્ઞેશભાઈ દ્વારા અને વિજેતા ટીમને પોલીસ લાઈન કુમાર શાળાના આચાર્ય રાકેશભાઈ રાઠોડ દ્વારા ટ્રોફી આપી રમતવીરોને સન્માનિત કરવામાં આવ્યા હતા.