ટંકારા: તાલુકા કક્ષાના કલા મહાકુંભમા મેઘપર ઝાલા શાળા ચમકી,શિક્ષિકા અને છાત્રાઓ વિજેતા બન્યા.

ટંકારા તાલુકાના મેઘપર ઝાલા શાળા ના શિક્ષિકા પ્રથમ ક્રમે અને બે છાત્રાઓ દ્વિતિય અને તૃતિય સ્થાને વિજેતા જાહેર થતા અભિનંદન વર્ષા.

ટંકારા તાલુકાના વિરપર નજીક આવેલી નાલંદા વિદ્યાલય ખાતે તાલુકા કક્ષાનો કલા મહાકુંભ યોજાયો હતો. જેમા ટંકારા તાલુકાના મેઘપર ઝાલા ગામે આવેલી પ્રાથમિક શાળા એ ઉત્કૃષ્ટ પ્રદર્શન કર્યુ હતુ.

તાલુકા કક્ષાએ યોજાયેલા કલા મહાકુંભમા પ્રાથમિક શાળાના શિક્ષિકા હેતલબેન સોલંકીએ ૨૧ થી ૫૯ વર્ષ ની વય જુથના એક પાત્રીય અભિનય મા પ્રથમ નંબર મેળવી વિજેતા બન્યા હતા, જ્યારે ૬ થી ૧૪ વર્ષ ના વય જુથ ની કેટેગરીની સ્પર્ધા મા મેઘપર ઝાલા શાળા ની વિધાર્થીની અક્ષિતાબા સહદેવસિંહ ઝાલા એ દ્વિતીય નંબરે અને જાનવીબા મયુરધ્વજસિંહ ઝાલા તૃતીય નંબરે વિનર બન્યા હતા. ગામડાની શાળા ના ત્રણેય વિજેતાઓને તાલુકાભર ના શાળા પરીવારે શુભેચ્છાઓ પાઠવી હતી. અને સ્થાનિક શાળા અને ગ્રામજનો દ્વારા અભિનંદન વર્ષા કરવામા આવી હતી.