મોરબી વાંકાનેર નેશનલ હાઈવે પર રોંગ સાઈડ આવતા ટ્રક સામેથી આવતા ટ્રક સાથે અથડાતા અકસ્માત સર્જાયો

July 9, 2024

મોરબી વાંકાનેર નેશનલ હાઈવે પર મકનસર પોલીસ હેડ ક્વાર્ટર ના ગેટ નજીક રોંગ સાઈડમાં પુરપાટ ઝડપે આવતા ટ્રક ચાલક એ સામેથી આવતા ટ્રક સાથે અથડાવી દેતા બિહારના ટ્રક ચાલકનું મોત નીપજ્યું હતું ત્યારે આ બાબતે હાલ પોલીસ તપાસ ચલાવી રહી છે

આ અંગે મળતી માહિતી મુજબ મોરબી – વાંકાનેર નેશનલ હાઇવે ઉપર મકનસર પોલીસ હેડ ક્વાર્ટરના ગેટ નજીક જીજે -12 – બીએક્સ – 9600 નંબરના ટ્રક ચાલક શૈલેન્દ્રકુમાર રામપરવેશ રાય રહે.બિહાર વાળાએ પોતાનો ટ્રક રોંગ સાઈડમાં પુરપાટ ઝડપે ચલાવી સામેથી આવતા એપી – 39 – યુયુ – 8679 નંબરના ટ્રક સાથે મોરે મોરો અથડાવી દેતા શૈલેન્દ્રકુમારનું મૃત્યુ નીપજ્યું હતું. અકસ્માતની આ ઘટના અંગે ફરિયાદી ટ્રક ચાલક થિરૂમાલા વેંકટેશ્વર રાવ ધનીશેટ્ટી રહે.આંધ્રપ્રદેશ વાળાની ફરિયાદને આધારે ગુન્હો નોંધી તપાસ શરૂ કરી છે.