વાંકાનેરના ભલગામ નજીકથી જુગાર રમતા ત્રણ ઝડપાયા

June 15, 2024

વાંકાનેર તાલુકા પોલીસ દ્વારા પેટ્રોલિંગ દરમિયાન ભલગામના મકાન નજીકથી જાહેરમાં જુગાર રમતા ત્રણ પત્તા પ્રેમીઓને ઝડપી પાડવામાં આવ્યા છે. ત્યારે તેમના વિરુદ્ધ જુગારધારા અન્વયે ગુનો નોંધી કાયદેસરની કાર્યવાહી હાથ ધરવામાં આવી છે

આ અંગે મળતી માહિતી મુજબ વાંકાનેર તાલુકા પોલીસ ટીમે પેટ્રોલિંગ દરમિયાન ભલગામ ગામના સ્મશાન નજીકથી જાહેરમાં કુંડાળું વળી જુગાર રમી રહેલા આરોપી જયરાજ વલકુભાઈ ખાચર, ભાવેશ આપાભાઈ જળું અને શંભુ દેસુરભાઈ ગલચર નામના ત્રણેય શખ્સોને તીનપતિનો જુગાર રમતા ઝડપી લઈ રોકડા રૂપિયા 11,800 કબ્જે કરી જુગારધારા અન્વયે કાર્યવાહી કરી હતી.