વાંકાનેર મોરબી નેશનલ હાઇવે રોડ ઉપર રફાળેશ્વર મેગ્નમ સિરામિક સામે આવેલ કટ પાસે ટ્રક એમ્બ્યુલન્સ સહિત ચાર કારને પાછળથી હડફેટે લઈ નાનું મોટું નુકસાન કર્યું હોવાથી આરોપી ટ્રક ચાલક વિરુદ્ધ મોરબી તાલુકા પોલીસ સ્ટેશનમાં ફરીયાદ નોંધાઈ છે
આ અંગે મળતી માહિતી મુજબ મોરબી 108 એમ્બ્યુલન્સમા પાઈલોટ તરીકે ફરજ બજાવતા દીપકભાઈ પરબતભાઇ વાંજાએ જીજે -36 – ટી – 2472 નંબરના ટ્રક ચાલક વિરુદ્ધ ફરિયાદ નોંધાવતા જાહેર કર્યું હતું કે, ગઈકાલે સવારના સાડા આઠેક વાગ્યાના અરસામાં ઉપરોક્ત ટ્રક ચાલકે વાંકાનેર નેશનલ હાઇવે ઉપર રફાળેશ્વર નજીક મેગ્નમ સિરામિક કારખાના નજીક કટ્ટ પાસે પુર ઝડપે ભયજનક રીતે પોતાનો ટ્રક ચલાવી રોડ ઉપર વળાંક વળવા ઉભેલા પરેશભાઇ કાન્તીલાલ ગાંભવા રહે. જામ દૂધઇ વાળાની બલેનો કાર, સાહેદ જ્યંતીલાલ પોપટભાઇ દેત્રોજા રહે. મોરબીવાળાની હોન્ડા અમેઝ કાર, સાહેદ જયભાઇ ધરમશીભાઇ પનારા રહેવાસી મોરબી વાળાની કીયા સોનેટ કારને એક પછી એક પાછળથી હડફેડમાં લઇ નાનુ મોટુ નુકશાન કર્યું હતું.બાદમાં આ બેકાબુ ટ્રક ચાલકે સરકારી ટાટા વીંગર 108 એમ્બ્યુલન્સને ખાલી સાઇડથી પાછળની હડફેટમાં લઇ પાછળથી આગળ સુધી પતરાની બોડીમાં બારીમાં ઘોબા ઘસારા તથા લાઇટ તોડી નાંખી નુકશાન કરી ટ્રક રોડ ઉપર રેઢો મુકી નાસી ગયો હતો.બનાવ અંગે તાલુકા પોલીસે 108ના પાઈલોટની ફરિયાદને આધારે ટ્રક ચાલક વિરુદ્ધ ગુન્હો નોંધી તપાસ શરૂ કરી છે.