મોરબી વાંકાનેર હાઈવે પર કાર ચાલકે બાઈકને હડફેટે લેતા અકસ્માત

March 20, 2024

મોરબી વાંકાનેર નેશનલ હાઈવે રોડ પર મકનસર ગામ પાસે કાર ચાલકે બાઈકને અડફેટે લેતા બાઈક ચાલકને ગંભીર ઇજાઓ પહોંચી હોય ત્યારે આ બાબતે મોરબી તાલુકા પોલીસ મથક ખાતે ફરિયાદ નોંધાઈ છે.

ત્યારે આ અંગે મળતી માહિતી મુજબ મોરબી-વાંકાનેર નેશનલ હાઇવે રોડ ઉપર મકનસર ગામ પાસે રાજા ટ્રાન્સપોર્ટની સામે પુરપાટ ઝડપે આવતી GJ-33-B-1398 નંબરની કારના ચાલકે રોડની સાઈડમાં ઉભેલા બાઈક ચાલક નીતિનભાઈ જેન્તીભાઈ સગારકાને હડફેટે લઈ ઈજાઓ પહોંચાડતા અકસ્માતની ઘટના અંગે મોરબી તાલુકા પોલીસ મથકમાં ફરિયાદ નોંધાઈ છે.