તા.૧૫-૦૩-૨૦૨૪ ના રોજ જિલ્લા કલેકટરશ્રી કે.બી.ઝવેરીના અધ્યક્ષસ્થાને કલેકટર કચેરીના સભાખંડ ખાતે માર્ચ માસની મોરબી જિલ્લા સંકલન સહ ફરિયાદ બેઠક યોજાઈ હતી.
આ બેઠકમાં હળવદ ધારાસભ્યશ્રી પ્રકાશભાઈ વરમોરા તેમજ વાંકાનેર ધારાસભ્યશ્રી જીતુભાઈ સોમાણી દ્વારા વિવિધ પ્રશ્નો રજૂ કરવામાં આવ્યા હતા. જેમાં જમીન દબાણ,પેટા કેનાલ, નગરપાલિકાના વિસ્તારના રસ્તાઓની મરમત કરવી, પીવાના પાણીની સુવિધા વધારવી તેમજ આરોગ્યને લગતા તમામ પ્રશ્નો, શાળાના ઓરડાઓ, ગામડાઓમાં એસ.ટી બસની સુવિધા વધારવા સહિતના પદાધિકારીઓને સૂચના આપી વિવિધ પ્રશ્નોની સમીક્ષા કરી સમયમર્યાદામાં જરૂરી કાર્યવાહી કરવા માટે જણાવ્યું હતું.
સર્વે ધારાસભ્યશ્રીઓએ એક સૂરમાં વિકાસ કાર્યોમાં સક્રિય સહભાગી થવા અને નિયમોનુસાર કામગીરી કરવા અધિકારીશ્રીઓને અપીલ કરી હતી.
આ બેઠકમાં જિલ્લા કલેકટરશ્રી કે.બી.ઝવેરી,જિલ્લા પંચાયત પ્રમુખશ્રી હંસાબેન પારઘી,હળવદ ધારાસભ્યશ્રી પ્રકાશભાઈ વરમોરા, વાંકાનેર ધારાસભ્યશ્રી જીતુભાઈ સોમાણી, જિલ્લા વિકાસ અધિકારીશ્રી જે.એસ.પ્રજાપતિ, જિલ્લા પોલીસ અધિક્ષકશ્રી રાહુલ ત્રિપાઠી, જિલ્લા નિવાસી અધિક કલેકટરશ્રી એસ.જે. ખાચર, મોરબી પ્રાંત અધિકારીશ્રી સુશિલ પરમાર, હળવદ પ્રાંત અધિકારીશ્રી ધાર્મિક ડોબરીયા સહિત જિલ્લા વહીવટી તંત્રના વિવિધ કચેરીના વડાઓ ઉપસ્થિત રહ્યા હતા.