મોરબીના લીલાપર રોડ પર નામાના બાકી પૈસા આપવાના બાબતે મારામારી થતા યુવકની પત્નીએ ફીનાઇલ પી લેતા બંનેને હોસ્પિટલ ખસેડવામાં આવ્યા હતા. આ કામના આરોપીઓ વિરુદ્ધ ગુન્હો નોંધવામાં આવે છે
ત્યારે આ બનાવ અંગે જાણવા મળતી વિગતો મુજબ મોરબીના લીલાપર રોડ ઉપર આવેલ વિલ્સન પેપર મિલ સામે રહેતા મયુરભાઈ ઉર્ફે રવિ શીવાભાઈ રાઠોડને આરોપી ધમાભાઈ દુકાનવાળાને બાકી નામના પૈસા આપવાના હોવાથી દુકાનદારે પૈસા માંગતા મયૂરભાઈએ હાલમાં પૈસા નથી પછી આપીશ તેમ કહેતા જેમ ફાવે તેમ ગાળો આપી હવે તને પતાવી દેવો જોશે તેમ કહેતા મયુરભાઈ દુકાન પાસેથી ચાલ્યા ગયા હતા. બાદમાં રાત્રિના સમયે આરોપી ધમાભાઈ દુકાનવાળા, નિલેષ ગઢવી, નાગજીભાઈ દેગામા, રવિભાઈ દેગામા અને મીથુનભાઈ નામના શખ્સ મયૂરભાઈના ઘેર આવી ઝઘડો કરી જ્ઞાતિ પ્રત્યે હડધૂત કરી મારમારી જાનથી મારી નાખવા ધમકી આપતા મયૂરભાઈના પત્ની જ્યોતિબેન ગભરાઈ જતા ફિનાઈલ ગટગટાવી લેતા બન્નેને 108 મારફતે દવાખાને ખસેડવામાં આવ્યા હતા. ઘટના અંગે મોરબી તાલુકા પોલીસે પાંચેય આરોપીઓ વિરુદ્ધ એટ્રોસિટી એક્ટ સહિતની કલમો મુજબ ગુન્હો નોંધી તપાસ શરૂ કરી છે.