શેર બજારમાં રોકાણ કરવાની અને સારા નફાની લોભામણી લાલચ આપી છેતરપિંડી કરનાર ત્રણ જેટલા શખ્સોની પોલીસે ધરપકડ કરી છે. ત્યારે હાલ તેમના વિરુદ્ધ કાયદેસરની કાર્યવાહી કરવામાં આવી રહી છે.
આ અંગે મળતી માહિતી મુજબ ગઇ તા.૦૪/૦૧/૨૦૨૪ના રોજ કિશનભાઈ કાવર નામના ફરિયાદીને વોટ્સઅપ નંબર ૯૬૬૨૬૪૬૯૩૨ ઉપરથી https://app.fapes.com લીંક મોકલી વોટસએપ મેસેજમાં શેરબજારમાં રોકાણ કરવા અંગેની ટીપ્સ મોકલેલ હતી. આ અરજદાર શેરબજારમાં રોકાણ કરતો હોય જેથી તેને આ વોટસએપ ચેટ દરમ્યાન શેરબજારમાં રોકાણ કરવા માટે જણાવતા ફરીયાદીએ ઓનલાઈન શેરની લે-વેચ કરવા કુલ રૂ.૪,૪૭,૧૫૦/- ઓનલાઈન ટ્રાન્જેકશન કરેલ હતું.
ત્યારે આ બાબતે ફરીયાદી પોતે કરેલ રોકાણના પૈસા પાછા આપી દેવા જણાવેલ તો આ કામના આરોપીઓએ પૈસા પાછા ન આપી ફરીયાદી સાથે છેતરપીડી વિશ્વાસપાત કરતા સાયબર કાઈમ પોલીસ સ્ટેશન, મોરબી ખાતે ગુ.ર.નં-૦૦૦૧/૨૦૨૪ આઇ.પી.સી કલમ ૪૦૬,૪૧૯,૪૨૦,૧૨૦બી તથા આઇ.ટી એકટ કલમ ૬૬(ડી) મુજબ ગુનો દાખલ થયેલ હતો.
આ મામલે સાયબર ક્રાઈમ પોલીસ સ્ટેશનના ઇન્ચાર્જ પીઆઈ આર ટી વ્યાસ, પીએસઆઈ બી ડી ભટ્ટ, યુ એસ બારોટના માર્ગદર્શન હેઠળ અલગ અલગ ટીમો બનાવી તપાસ ચલાવી હતી જેમાં આરોપી જગાભાઇ વહાભાઈ ભરવાડ, હરીશ ગોબરભાઈ ભરવાડ અને ગણેશ ગગન થાપા રહે બધા ફતેગંજ વડોદરા વાળાને ઝડપી લઈને ધોરણસરની કાર્યવાહી હાથ ધરી છે