Advertisement
Advertisement
વાંકાનેર શહેરના આરોગ્યનગરમાં એક રહેણાંક મકાનમાં દરોડો પાડી કુલ 552 બોટલ વિદેશી દારૂના જથ્થા સહિત કુલ રૂપિયા 1,42,320ના મુદ્દામાલ સાથે એક આરોપીની વાંકાનેર સીટી પોલીસે ધરપકડ કરી અન્ય એક આરોપીને ફરાર ધોરણસરની કાર્યવાહી હાથ ધરી છે. વાંકાનેર સીટી પોલીસ ટીમ દ્વારા ચોક્કસ ખાનગી બાતમીને આધારે વાંકાનેરના આરોગ્યનગરમાં શેરી નં-5માં આવેલ અજયસિંહ વનરાજસિંહ ઝાલાના રહેણાંક મકાનમાં દરોડો પાડી મકાનમાં પાછળના ભાગે બેઠક રૂમમાંથી 264 બોટલ વિદેશી દારૂ તથા 288 નંગ વિદેશી દારૂના ચપલા સહિત કુલ રૂપિયા 1,42,320 ના મુદ્દામાલ સાથે આરોપી કિશનભાઇ અશોકભાઈ ખિરૈયાની સ્થળ પરથી ધરપકડ કરી આરોપી અજયસિંહ વનરાજસિંહ ઝાલા સ્થળ પર હાજર નહી મળી આવતાં તેને ફરાર દર્શાવી ધોરણસરની કાર્યવાહી હાથ ધરી છે.