મોરબી: ઘુતારી વોકળામાં છૂપાવેલા દારૂ સાથે એક ઝડપાયો, બે ફરાર

January 30, 2024

મોરબી સીટી બી ડિવિઝન પોલીસને બાતમી મળી હતી કે ગાયત્રી આશ્રમ પાછળ ઘુતારી વોકળાના કાંઠે ઘાસમાં વિદેશી દારૂનો જથ્થો છુપાવી દારૂનું વેચાણ થઈ રહ્યું છે. જે બાતમીને આધારે પોલીસે દરોડો પાડતા આરોપી વસંત જેરાજભાઈ વાઘેલા વિદેશી દારૂની 84 બોટલ કિંમત રૂપિયા 50,700 સાથે ઝડપી લીધો હતો. જ્યારે પોલીસ સમક્ષ પોપટ બની ગયેલા આરોપી વસંતે દારૂના આ ગોરખધંધામાં વિશાલ પ્રવીણભાઈ શેખાણી અને રમઝાન ગુલામ હુસેન મોવર ભાગીદાર હોવાની કબૂલાત આપતા પોલીસે ત્રણેય વિરુદ્ધ પ્રોહીબિશન એકટ મુજબ ગુન્હો નોંધી તપાસ શરૂ કરી છે.