ટંંકારા ગ્રા.પં.મા સતા ની સાંઠમારી મા ફરી સરપંચ લઘુમતી મા મુકાયા.. ફરી સોગઠી હરીફ જુથે ગજવામાં સેરવી લીધી.

સરપંચે ખુરશીમા ચિપકી રહેવા મહિલા સભ્યને પાણીચુ પકડાવતા બાગી જુથે સતાનો ગેર ઉપયોગ થયા ની ધારધાર રાવ કરતા, તંત્રે સભ્યપદ પુનઃ જીવિત કરાવ્યુ.

ટંકારા ગ્રામ પંચાયતમા સતા ની સાંઠમારી મા બે જુથ વચ્ચે ચાલતા ગજગ્રાહ મા બાગી જુથે બબ્બે વખત બજેટ ના મંજુર કરી સરપંચ જુથને લઘુમતી મા મુકી દેતા સરપંચે વળતો દાવ ખેલી અગાઉ એક મહિલા સભ્યને પદભ્રષ્ટ કરાવ્યા બાદ અસંતુષ્ટ મહિલા સભ્યને ચાર મિટીંગ મા ગેરહાજર રહેવા સબબ હોદ્દા ની રૂ એ સસ્પેન્ડ કરી પોતાનુ પલડુ ભારી કરવા કરેલા પ્રયાસ સામે હરીફ જુથે તંત્રને રાવ કરતા તંત્રે મનસ્વી નિર્ણય રદ કરી સરપંચ દ્વારા સસ્પેન્ડ થયેલા સદસ્ય નુ પદ જીવિત કરતા ફરી સોગઠી બાગી જુથ ના હાથ મા સરકી હોવાના હાલ ઉપસેલા ચિત્ર પર થી હવે સરપંચની સતા છિનવાઈ જાય એવા એંધાણ સર્જાયા છે.

ટંકારા તાલુકાની સૌથી મોટી ગણાતી ગ્રામ પંચાયતમા શરૂઆતથી જ બે જુથ વચ્ચે વર્ચસ્વ ની લડાઈ ચાલી રહી છે. જેમા, એક જુથ સરપંચ ગોરધનભાઈ ખોખાણીએ સુકાન સંભાળ્યુ ત્યારથી વિરોધ મા ચાલી રહ્યુ છે. બંને જુથ એકબીજાને સતા માથી પાડી દેવાની ફિરાકમા છે. એ ટાંકણે ગ્રામ પંચાયતનુ બજેટ સામાન્ય સભામા મંજુર થવા આવતા વિરોધી જુથે જાળ ગુંથી બબ્બે વખત બજેટ નામંજુર કરી સરપંચને પાડી દેવા દાવ ખેલ્યો હતો. જેના થી સરપંચે વળતો રાજકીય દાવ ખેલી બાગી જુથના મહિલા સદસ્ય બિલ્કીશબેન સોહરવદી ગ્રા.પંનુ સભ્ય પદ ધરાવવા ઉપરાંત, આંગણવાડી કેન્દ્ર મા તેડાગર તરીકે ફરજ બજાવતા હોવાના મુદ્દે પદભ્રષ્ટ કરાવ્યા હતા. ત્યારબાદ, સરપંચે પોતાના જુથ ના નારાજ મહિલા સભ્ય મિતલબેન કેવલભાઈ દંતેસરીયા હરીફ છાવણીમા જાય એ પૂર્વે ખુરશી સલામત રાખવાના પ્રયાસમા સરપંચ ની સતા નો ઉપયોગ કરી સતત ચાર બેઠક મા ગેરહાજર રહેવા સબબ નોટીસ ફટકારી સભ્ય પદેથી પાણીચુ પકડાવી દઈ દંતેસરીયા ને ગેરલાયક ઠરાવી દીધા હતા. અને તેની જાણ પણ ગ્રામ પંચાયતના લેટરહેડ મા પોતાની સહી થી કરી હતી. સરપંચનુ પગલુ નિયમ વિરૂધ્ધનુ અને અયોગ્ય હોવાની ધારદાર રજુઆત સાથે તંત્ર વાહકો ને રાજકીય હાથા ન બનવા અને સતા છીનવાઈ જવાના ડર થી રઘવાયા બનેલા સરપંચને મ્યાન કરવા બાગી જુથે અણીશુધ્ધ રજુઆત કરતા પંચાયત ના વહિવટી તંત્રે સરપંચે લીધેલો નિર્ણય રદ કરી રજુઆત યોગ્ય હોવાથી વોર્ડ નં ૧ ના મહિલા સદસ્ય મિતલબેન નુ સભ્ય પદ પુનઃ જીવિત કર્યુ હતુ. અને સરપંચને તેની હરકત ભારે પડી હોય એમ  લપડાક લાગી હતી. હવે આગામી તા.૨૯ મી એ મળનારી બેઠક મા ફરી સરપંચ જુથ ને મહાત કરવા ની સોગઠી હરીફ જુથના હાથમા આવી હોવાના ઉપસેલા ચિત્ર પર થી સરપંચ ની ખુરશી પર ફરી સંકટ ના વાદળો ઘેરાયા છે.