મોરબી પોલીસ અલર્ટ: સોશિયલ મીડિયામાં ધાર્મિક લાગણી દુભાઈ તેવી પોસ્ટ કરનાર સામે થશે કાર્યવાહી

January 21, 2024

આવતીકાલે ભગવાન શ્રીરામ જન્મભૂમી આયોધ્યા ખાતે પ્રાણ પતિષ્ઠા મહોત્સવ હોય ત્યારે કોઇપણ સમાજની ધાર્મીક લાગણી દુભાય તેવી ઉશ્કેરણીજનક પોસ્ટ કે વીડીયો કે અફવા સોશિયલ મીડીયામાં મુકવા કે ફોરવર્ડ ન કરવા મોરબી જીલ્લા પોલીસે સૂચના જાહેર કરી છે. જેમાં જણાવાયું છે કે, આ બાબતે ફેસબુક, ઇન્સ્ટાગ્રામ, ટવીટર, વોટસએપ જેવા સોશિયલ મીડીયા પ્લેટફોર્મ પર પોલીસની અલગ અલગ ટીમો બનાવી આવી પ્રવૃતિ કરતા ઇસમો પર સતત નજર રાખવામાં આવી રહી છે. કોઇ વ્યકિત આવી ગેરકાયદેસર પ્રવૃતિ કરતા કે પ્રોત્સાહન આપતા જણાઇ આવશે. તો તેઓની વિરૂધ્ધ કાયદાકીય કાર્યવાહી કરવામાં આવશે.