Advertisement
Advertisement
હળવદની સાંદિપની ઈંગ્લીશ સ્કૂલ ખાતે આજથી ખેલ મહાકુંભ અંતર્ગત તાલુકા કક્ષાની સ્પર્ધાઓનો પ્રારંભ કરવામાં આવ્યો છે. જેમાં કબડ્ડી, ખો-ખો, વોલીબોલ, રસાખેંચ, ચેસ, યોગા, એથલેટીક્સ સહિતની તાલુકા કક્ષાની સ્પર્ધામાં રમતો યોજાશે. જેમાં હળવદ તાલુકાની તમામ શાળાઓના વિદ્યાર્થીઓ અલગ અલગ રમતોમાં ભાગ લેશે. ત્યારે આજથી પ્રારંભ થયેલા ખેલ મહાકુંભ આગામી તારીખ 21 જાન્યુઆરી સુધી ચાલશે. અને આ તાલુકા કક્ષાની સ્પર્ધામાં વિજેતા ટીમ મોરબી જિલ્લામાં પસંદગી પામશે. ત્યારે આ પ્રસંગે મોરબી તથા હળવદ રમત-ગમત અધિકારી, વિવિધ શાળાઓના શિક્ષકો તથા વિદ્યાર્થીઓ ઉપસ્થિત રહ્યાં હતા. જેમાં વિદ્યાર્થીઓને રમત ગમતનું મહત્વ સમજાવીને પ્રોત્સાહિત કર્યા હતા અને જે રમતમાં ભાગ લીધેલો હોય તેમાં ખેલદીલીપૂર્વક રમત રમી આગળ વધે તેવી શુભકામના પાઠવી હતી.
