મોરબી: વાવડી રોડ પર ઉમિયા પાર્ક સોસાયટીમાંથી ઈંગ્લીશ દારૂના જથ્થા સાથે બે ઝડપાયા

January 10, 2024

મોરબી વાવડી રોડ ઉમીયા પાર્ક સોસાયટીમાં આરોપીના રહેણાંક મકાનમાંથી ઈંગ્લીશ દારૂની 57 બોટલો સાથે બે ઈસમોને મોરબી સીટી એ ડીવીઝન પોલીસે ઝડપી પાડયા છે. ઉમીયા પાર્ક સોસાયટીમાં આરોપી સુરેશભાઈ રતનભાઈ બરાલા અને સુઝલભાઈ ચંદુભાઈ પાંચોટીયાના રહેણાંક મકાનમાં વેચાણ કરવાના ઈરાદાથી રાખેલી ઈંગ્લીશ દારૂની બોટલ નંગ-57 કિંમત રૂપિયા 25935ના મુદ્દામાલ સાથે આરોપી સુરેશભાઈ રતનભાઈ બરાલા અને સુઝલભાઈ ચંદુભાઈ પાંચોટીયાને મોરબી સીટી એ ડીવીઝન પોલીસે ઝડપી પાડયા છે. જ્યારે અન્ય એક ઈસમ કેતનદાન મહેન્દ્રદાન બારહટ સ્થળ પર હાજર ન મળી આવતા પોલીસે તેને ઝડપી પાડવા તપાસ હાથ ધરી છે. તેમજ તમામ આરોપીઓ વિરુદ્ધ પ્રોહીબીશન એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.