મોરબીના જિલ્લામાં વિકાસના કામને સ્થાન આપવા સ્થળ પર જઈને ધારાસભ્ય દ્વારા ગ્રાન્ટની લાણી કરી પ્રજાના પ્રશ્નો હલ કરવા ગ્રામ્ય વિસ્તારોની મુલાકાત કરી લોકોને પ્રાથમિક સુવિધા તાત્કાલિક પુરી પાડવાના પ્રયાસો અંતર્ગત કુવાડવા વાંકાનેર પંથકના ગ્રામ્ય વિસ્તારોની મુલાકાત કરી. રાજ્ય સરકાર અને કેન્દ્ર સરકારના માધ્યમથી મતદાર પ્રજા પ્રાથમિક સુવિધાઓથી વંચિત ના રહે તે માટે દેશના વડાપ્રધાન નરેન્દ્રભાઈ મોદી અને ગુજરાત રાજ્યના મુખ્યમંત્રી ભુપેન્દ્રભાઈ પટેલ દ્વારા ગુજરાતના દરેક શહેર જિલ્લામાં વિકાસ કાર્યને સ્થાન આપી રહ્યાં છે. તેમાં વાંકાનેર-કુવાડવા 67 મતવિસ્તારના ધારાસભ્ય જીતુભાઈ સોમાણી પ્રજાને પ્રાથમિક સુવિધા માટેની ગ્રાન્ટ જાતે લોકોને ઘટના સ્થળે મળી ફાળવણી કરી રહ્યાં છે. જેમાં રોડ રસ્તા, પાણી, લાઈટ સહિતના વિવિધ વિકાસલક્ષી કાર્ય અંતર્ગત વાકાનેર-કુવાડવા પંથકના ગ્રામ્ય વિસ્તારમાં લોક સંપર્ક કરી લોકોના પ્રશ્નો હલ કરવા માટે ધારાસભ્યની ગ્રાન્ટની લાહણી કરી રહ્યાં છે. તેમાં તાજેતરમાં જ કુવાડવા પંથકના ગ્રામ્ય વિસ્તારમાં આવેલા ગ્રામ્ય વિસ્તારો વાજડીગઢ, વેજાગામ, ગવરીદડ, રતનપર, જાળીયા વિગેરે ગ્રામ્ય વિસ્તારની મુલાકાત કરી હતી અને ધારાસભ્યની ગ્રાન્ટ વિકાસલક્ષી કાર્ય માટે ફાળવી આપી હતી.
