હળવદ નગરપાલિકા વિસ્તારમાં છેલ્લા ઘણા સમયથી સરા ચોકડીથી લઈને મેઈન રોડ, સોસાયટી વિસ્તારમાં હાઈવે રોડ પર સરકારી જગ્યા પર ઠેર ઠેર જગ્યાએ દબાણો ખડકી દેવામાં આવ્યા છે. સરકારી જમીન પર દબાણકારો દ્વારા પતરાં વાળી દુકાનો ઉભી કરી ભાડા પેટે વેપારીઓને આપવામાં આવે છે અને મશમોટું ભાડું વસુલતા હોવાની લોકમુખે ચર્ચાએ જોર પકડયું છે. જેમાં હળવદ નગરપાલિકા વહિવટી તંત્ર અને પદાધિકારીઓએ મૌન ધારણ કર્યું હોવાનું પણ ચર્ચાઈ રહ્યું છે. તો વળી કેટલીક જગ્યાએ માલિકોએ હેતુફેર કર્યા વગર રહેણાંક પ્લોટ એટલે કે રેસિડેન્શીયલ પ્લોટમાં કોમર્શિયલ દુકાનો ઉભી કરી દેવામાં આવી રહી છે. હળવદ બજારમાં પણ ઠેરઠેર રોડ પર દબાણો, લારીઓ અન્ય કેબિન વાળાના મશમોટો ભાડા વસુલાતા હોવાની પણ લોકમુખે ચર્ચા જોવાં મળી રહીં છે
હળવદની સરા ચોકડી ખાતે આવેલી સીટી સ્કેન વાળી શેરી પાસે અમુક તત્વોએ દબાણ કરતાં હોસ્પિટલે જવા આવવામાં દદીઓને પારાવાર મુશ્કેલી પડતી રસ્તો બંધ કરી વચ્ચોવચ અડીગો જમાવી દબાણ કરાતા તેને ધ્યાનમાં લઈ ગેરકાયદેસર ખડકેલા દબાણ હળવદ પોલીસે દૂર કરાવ્યા હતા. કોઈની પણ શેહ શરમ રાખ્યા વગર હળવદના પીએસઆઇ કે.એચ.અંબારિયા તથા સ્ટાફે શનિવારે સવારે 11 વાગ્યાની આજુબાજુએ તાત્કાલિક ધોરણે ગેરકાયદેસર દબાણો દૂર કરી દબાણ કરનાર સામે કાયદેસરની કાર્યવાહી હાથ ધરી હતી અને કોઈની પણ શેહશરમ રાખવામાં નહીં આવે તેવું હળવદ પીએસઆઇ કે.એચ.અંબાણીએ જણાવ્યું હતું. આજુબાજુના લોકોના ટોળા ઉમટી પડ્યા હતા, તાત્કાલિક ધોરણે આજુબાજુની દબાણ વાળી જગ્યા ખુલી કરાવી હતી.