મોરબી જિલ્લાના હળવદ માળિયા હાઈવે રોડ પર ગોકુલેશ પેટ્રોલ પંપ સામે રોડ ઉપરથી કતલખાને લઈ જવાનાં ઇરાદે પશુઓ ભરેલી આઈશર સાથે બે ઈસમોને હળવદ પોલીસે ઝડપી પાડયા છે. જ્યારે અન્ય એક શખ્સનું નામ ખુલતા પોલીસે તેને ઝડપી પાડવા તપાસ હાથ ધરી છે. હળવદ માળિયા હાઈવે પર આઈસર ગાડી નંબર GJ-36-T-8929ના ચાલક કાસમભાઈ ઈબ્રાહીમભાઈ સુમરા તથા ક્લીનર નવઘણભાઈ શીવાભાઈ નંદેસરીયા તથા બીજા મેળવવાના થતા કોઈ આધાર પુરાવા મેળવ્યા વગર પોતાનો દાખલો લખી આપેલ તે જીવણભાઈ ઘેલાભાઈ રબારી રહે તમામ ટંકારા વાળાએ ગેરકાયદેસર પાસ પરમીટ કે આધાર વગર ભેસો ૦૯ ક્રુરતાપુર્વક ટુંકા દોરડાથી ખીચો ખીચ દયનીય હાલતમાં બાંધી ધાસ ચારો કે પાણીની કે બીજી કોઈ સગવડતા રાખ્યા વગર હેરાફેરી કરી કતલખાને લઈ જતા આરોપી કાસમભાઈ ઈબ્રાહીમભાઈ સુમરા તથા ક્લીનર નવઘણભાઈ શીવાભાઈ નંદેસરીયા રહે. બંને ટંકારાવાળાને હળવદ પોલીસે ઝડપી પાડયા છે. જ્યારે અન્ય એક શખ્સ જીવણભાઈ ઘેલાભાઈ રબારી રહે. ટંકારાવાળો સ્થળ પર હાજર ન મળી આવતા પોલીસે તેને ઝડપી પાડવા શોધખોળ હાથ ધરી છે તેમજ ત્રણે આરોપીઓ વિરુદ્ધ ગુનો નોંધી કાયદેસરની કાર્યવાહી હાથ ધરી છે.