હળવદ જીઆઈડીસીમાં બે દિવસ પહેલા સોલ્ટ એસોસિએશનના પ્રમુખની ફેક્ટરીમાંથી નકલી ટાટાનું મીઠું પેકિંગ કરવાનું કારસ્તાન ઝડપાયા બાદ ટાટા કંપનીના અધિકારીએ વધુ એક ફેક્ટરીમાંથી ટાટા કંપનીનું નકલી નમક પેકીંગ કરવાનું કૌભાંડ ઝડપી લઈ હળવદ પોલીસ મથકમાં ફરિયાદ નોંધાવી છે. દિલ્લીમાં અનુસંધાન ઈન્વેસ્ટીગેશન એન્ડ સિક્યુરીટી પ્રા.લી ખાતે IPR એક્ઝીક્યુટીવ તરીકે કાર્યરત રોહીતકુમાર ઉર્વેશકુમાર કર્ણાવતે સાગર કેમ ફૂડ ઈન્ડસ્ટ્રીઝના માલિક આત્મારામા ક્રીશ્ર્નારામ ચૌધરી મૂળ રાજસ્થાનના વતની અને હાલ રહે. ગીરનારીનગર હળવદવાળા વિરુદ્ધ હળવદ પોલીસ સ્ટેશનમાં ફરિયાદ નોંધાવી છે. જેમાં તેમણે જણાવ્યું છે કે, 12 ડિસેમ્બરના આરોપીએ ટાટા કંપનીનું ઓથોરાઈઝ ડીલરશીપ પ્રમાણપત્ર તથા કોપીરાઇટ સર્ટીફીકેટ ન હોવા છતા પોતાની સાગર કેમ ફૂડ ઇન્ડસ્ટ્રીઝ કારખાનામાં ટાટા સોલ્ટ કંપનીના પ્લાસ્ટીકના પ્રીન્ટેડ વીથ MAHAVEER TULSI Shakti SALT લખેલ ટાટા કંપનીના લોગો તથા કલર તથા ડીઝાઇન સાથે હળતા મળતા સામ્યતા ધરાવતા રોલ નંગ-૩૮ કિંમત રૂપિયા ૧૧,૪૦૦ તથા આશરે ૭,૨૦૦ ખાલી વેસ્ટેજ પાઉચ જેની કિંમત રૂપિયા ૦૦,૦૦ તથા કિંમત રૂપિયા ૧૧,૪૦૦ના મુદામાલ સાથે મળી આવતા પોલીસે તમામ મુદ્દામાલ જપ્ત કર્યો હતો અને આરોપી વિરુદ્ધ કોપી રાઈટ એક્ટ ૧૯૫૭ની કલમ ૬૩, ૬૪ મુજબ ગુનો નોંધીને કાયદેસરની કાર્યવાહી હાથ ધરી છે.