વાંકાનેરના કોઠી ગામના બોર્ડ પાસે દેશી દારૂ ભરેલી કાર મુકી કાર ચાલક ફરાર

December 11, 2023

વાંકાનેર તાલુકાના કોઠી ગામના બોર્ડ પાસેથી પોલીસે દેશી દારૂ ભરેલી કાર ઝડપી પાડી છે. પોલીસ પેટ્રોલિંગમાં હતી ત્યારે ત્યાંથી પસાર થઈ રહેલી કાર નંબર જીજે-16-બીજી-6888નો ચાલક પોલીસને જોઈને કાર મુકીને નાસી ગયો હતો. બાદમાં પોલીસે કારને ચેક કરતા તેમાંથી 750 લીટર દેશી દારૂ મળી આવ્યો હતો. પોલીસે કારમાંથી 15 હજારનો દેશીદારૂ, 5 હજારની કિંમતનો મોબાઈલ અને કાર મળી કુલ રૂપિયા 3,20,000નો મુદ્દામાલ કબજે કર્યો હતો. અને ફરાર કાર ચાલક આરોપી સામે ગુનો નોંધી તેને ઝડપી પાડવા કાર્યવાહી હાથ ધરી છે.