મોરબી એલસીબી / પેરોલ ફર્લો સ્કવોડનો સ્ટાફ નાસતા ફરતા આરોપીઓને પકડવા માટે પ્રયત્નશીલ હતા. તે દરમ્યાન પેરોલ ફર્લો સ્કવોડને બાતમી મળી હતી કે, એન.ડી.પી.એસ. ગુનાના કામનો નાસતો ફરતો આરોપી ભરતભાઈ રતીલાલભાઇ ચૌહાણ રહે. ધ્રાંગધ્રા, ડાભી સોસાયટી, મુળ રહે. રાજપર તા. ધ્રાંગધ્રા જી.સુરેન્દ્રનગર વાળો વાંકાનેર ભાટીયા સોસાયટીમાં રહેતા તેમના સબંધી મનોજભાઇ દરજીના ઘરે આવનાર હોવાની ચોકકસ બાતમી મળતા પોલીસ ટીમ સાથે બાતમીવાળી જગ્યાએ તપાસ કરતા ઉપરોકત ગુનાના કામે નાસતો ફરતો આરોપી ભરતભાઇ રતીલાલભાઇ મળી આવતા તેને હસ્તગત કરી આગળની કાર્યવાહી અર્થે મોરબી સિટી બી ડિવીઝન પોલીસ સ્ટેશન સોપવા કાર્યવાહી હાથ ઘરેલ છે.
મહત્વનુ છે કે, મોરબીના ઘુટુ રોડ આઈટીઆઈ સામેથી એસઓજી પોલીસે ગત જૂન માસમાં રહેણાંક મકાનમાં છાપો મારી ગાંજો વેચાણ કરતા શખ્સને ઝડપી લઈ એનડીપીએસ એકટ હેઠળ સીટી બી ડિવિઝન પોલીસ મથકમાં ગુન્હો રજીસ્ટર કરાવ્યો હતો. આ કેસમાં સુરેન્દ્રનગર જિલ્લાના ધ્રાંગધ્રા ખાતે રહેતા આરોપી ભરતભાઇ રતિલાલનું નામ ખુલ્યું હતું અને આરોપી નાસતા ફરતા હોય આજે આરોપી વાંકાનેર ખાતે તેના સંબંધીને આવનાર હોવાની માહિતી એલસીબી ટીમને મળતા પોલીસે આરોપી ભરતભાઈને ઝડપી લઈ સીટી બી ડિવિઝન પોલીસને સોંપવા તજવીજ હાથ ધરી હતી.